На стары Новы год нафтавая кампанія "Янгпур" адкрыла ў Расіі Багданаўскае радовішча. Яно дае каля 80 тон нафты ў суткі фантанным спосабам.
Цяпер спецыялісты расійскага актыву "Беларуснафты" разлічваюць здабыць з сібірскіх нетраў ад 200 да 600 тысяч тон нафты.
Беларускія геолагі адзначаюць, што асвойваць свідравіну было няпроста, і для гэтага нават прыйшлося прасвідраваць бакавы ствол агульнай працягласцю 2 тысячы 365 метраў.
Цяпер расійская "дачка" беларускай кампаніі распрацоўвае Ізвесцінскае, Усходне-Ізвесцінскае і яшчэ некалькі радовішчаў.
