МІНСК, 22 сту - Sputnik. Кот здзівіў сваіх гаспадароў, калі вярнуўся дадому праз амаль тры гады пасля сваёй "гібелі".
Гэтая незвычайная гісторыя адбылася ў Вялікабрытаніі, ўладальніца жывёлы думала, што яе гадаванец загінуў пад коламі аўтамабіля, таму была ў шоку, калі ўбачыла яго праз доўгі час, піша Daily Mail.
Гаспадыня ката па мянушцы Сідні, 53-гадовая Шэран Фокс, распавяла, што хатні ўлюбёнец знік у сакавіку 2016 года. Праз некалькі дзён ёй патэлефанавалі з паліцыі і паведамілі, што ката, падобнага на яе Сідні, збіла машына, труп выкінулі на сметнік. Уладальніцы жывёлы нават даслалі фота, на якім быў збіты кот, які ляжаў на дарозе.
Аднак праз амаль тры гады пасля інцыдэнту ў доме Шэран пачуўся тэлефонны званок ад жанчыны, якая паведаміла, што знайшла Сідні. Паводле яе слоў, ён жывы і здаровы, жыве ў 12 мілях ад свайго дома.
Спачатку гаспадыня ката не паверыла, бо яна бачыла здымак свайго мёртвага ката на абочыне дарогі. Аднак жанчына, якая тэлефанавала, была вельмі настойлівай і сказала, што праверыла мікрачып жывёлы, так і пазнала яго мянушку і адрас.
Шэран не верыла ў тое, што адбываецца, пакуль не прыйшла ў дом жанчыны, якая ёй тэлефанавала. Яна адразу пазнала свайго гадаванца, Сідні пазнаў гаспадыню і дазволіў сябе пагладзіць (за гады адсутнасці дома ён, верагодна, доўга бадзяўся па вуліцах, стаў агрэсіўным, яго знешні выгляд жудасны). Жанчына падабрала яго і праверыла чып, каб вярнуць гаспадарам.
Па словах Шэран, зараз Сідні адчувае сябе добра, яна кожны дзень песціць яго рознымі прысмакамі, каб ён аднавіўся пасля бадзяжнага жыцця ўдалечыні ад гаспадыні.
