Лукашэнка забараніў даваць дзяржслужачым дадатковыя "пернікі"

© Sputnik / Владимир Федоренко / Перайсці ў медыябанкПартфель чыноўніка
Партфель чыноўніка - Sputnik Беларусь
Падпісацца на
НовостиTelegram
На думку кіраўніка дзяржавы, матэрыяльнае становішча дзяржслужачых павінна расці і падаць разам з дабрабытам насельніцтва.

МІНСК, 22 сту - Sputnik. Прэзідэнт Беларусі Аляксандр Лукашэнка даручыў не "раздаваць пернікі" у новай рэдакцыі закона "Аб дзяржаўнай службе". Адпаведную заяву ён зрабіў на нарадзе ў аўторак.

Змены ў закон "Аб дзяржаўнай службе" планавалася прыняць у мінулым годзе, аднак праект дакумента было вырашана дапрацоўваць. У аўторак прапанаваны варыянт разгледзеў прэзідэнт Беларусі.

"Даручаючы распрацаваць гэты закон, я папярэджваў усіх вас, што гэтыя "пернікі", якія ў нас прынята раздаваць у любым законе ў выглядзе нейкіх сацыяльных гарантый, не павінны быць вышэй за тое, што яны ёсць", - падкрэсліў на нарадзе Лукашэнка, яго словы прыводзіць БелТА.

Прэзідэнт упэўнены: матэрыяльнае становішча дзяржслужачых павінна расці або падаць у адпаведнасці з уздымам або зніжэннем жыццёвага ўзроўню нашага насельніцтва.

"Гэта ключавое", - заявіў ён. Акрамя змены у закон "Аб дзяржаўнай службе", у рэспубліцы рыхтуецца і своеасаблівы Кодэкс дзяржслужачых. З'яўленне такога дакумента раней анансавала кіраўнік Адміністрацыі прэзідэнта Наталля Качанава.

Стужка навiн
0