МІНСК, 22 сту - Sputnik. Нацыянальны банк Чэхіі ў студзені бягучага года плануе выпусціць юбілейную залатую "манету" наміналам 100 мільёнаў крон (4,5 мільёна долараў ЗША), паведаміла прэс-служба рэгулятара.
Выпуск будзе прымеркаваны да 100-годдзя чэхаславацкай валюты, якое адзначаецца сёлета.
"У рамках юбілейных урачыстасцяў напрыканцы месяца будзе выпушчаная адна залатая "манета" вартасцю 100 мільёнаў крон", - сказалі ў прэс-службе.
Там таксама ўдакладнілі, што вага яе складзе 130 кілаграмаў, а дыяметр - больш за паўметра. У абарачэнне "манета" не пойдзе, а стане выставачным экспанатам.
Юбілейная "манета" будзе прадстаўлена ў Пражскім градзе 1 лютага - на выставе, прысвечанай 100-годдзю нацвалюты.
