Украіна звярнулася да Беларусі наконт забруджвання ракі Бярэзіна

© Sputnik / Вячеслав Бобков / Перайсці ў медыябанкБярэзінскі біясферны дзяржаўны запаведнік, архіўнае фота
Бярэзінскі біясферны дзяржаўны запаведнік, архіўнае фота - Sputnik Беларусь
Падпісацца на
НовостиTelegram
Падставай для звароту стала інфармацыя аб забруджванні небяспечнымі рэчывамі ракі Бярэзіна, якая з'яўляецца правым прытокам ракі Днепр.

МІНСК, 24 сту - Sputnik. Украіна звярнулася да Беларусі за тлумачэннямі наконт забруджвання небяспечнымі рэчывамі ракі Бярэзіна, якая з'яўляецца правым прытокам ракі Днепр, пра гэта паведамілі ў прэс-службе ўкраінскага міністэрства экалогіі і прыродных рэсурсаў.

На рэчцы, архіўнае фота - Sputnik Беларусь
Белстат назваў самыя брудныя рэкі ў Беларусі

"Падставай для такога звароту стала распаўсюджаная ў СМІ інфармацыя аб забруджванні небяспечнымі рэчывамі ракі Бярэзіна, якая працякае на тэрыторыі Беларусі і з'яўляецца правым прытокам ракі Днепр - пятая частка вады ў Днепр паступае менавіта з гэтай ракі", - растлумачылі ў ведамстве.

У міністэрстве распавялі, што 21 студзеня ўкраінскія спецыялісты зрабілі пробы вады ракі Днепр на мяжы з Беларуссю. Згодна з вынікамі аналізу, паказчыкі адпавядаюць устаноўленым нарматывам для водных аб'ектаў рыбагаспадарчага прызначэння, аднак ўтрыманне жалеза перавышана ў 3,2 разы, а марганца - у 6,2 разы.

"Іншыя паказчыкі якасці вады ў рацэ Днепр адпавядаюць аналагічнаму перыяду мінулага года", - адзначылі эколагі.

Гэтае пытанне будзе абмяркоўвацца на кансультацыі ўпаўнаважанага ад урада Украіны з адказным ведамствам Беларусі.

Раней СМІ неаднаразова паведамлялі пра тое, што рака Бярэзіна можа забруджвацца з-за скіду ў яе неачышчаных сцёкавых вод з цэлюлозна-кардоннага камбіната, які размешчаны каля вёскі Якімава Слабада Светлагорскага раёна.

Стужка навiн
0