МІНСК, 25 сту - Sputnik. У бліжэйшы час паглыбленне інтэграцыі Беларусі і Расіі можна зрабіць за кошт стварэння новых наднацыянальных органаў, у тым ліку саюзнага суда і падліковай палаты, сказаў журналістам у Мінску дзяржаўны сакратар Саюзнай дзяржавы Рыгор Рапота.
"Гэта цалкам магчыма, таму што альбо ствараць суд, альбо карыстацца паслугамі суда ў рамках ЕАЭС. Бываюць спрэчныя сітуацыі паміж гаспадарчымі аб'ектамі, і часам патрабуецца арбітраж" - растлумачыў Рапота, адзначыўшы, што такі орган у Саюзнай дзяржаве будзе не лішнім.
Дзяржсакратар выказаў упэўненасць, што і задача стварэння падліковай палаты СД цалкам вырашальная. Вядома, калі "будзе на тое воля кантралюючых органаў і кіраўнікоў урадаў".
Акрамя пашырэння сферы органаў наднацыянальнага характару, Рапота выказаўся пра жаданне сур'ёзна папрацаваць над праблемамі адзінай транспартнай і энергетычнай прасторы.
"Многія пытанні даўно сфармуляваны ў дакуменце аб прыярытэтных кірунках і першачарговых задачах Саюзнай дзяржавы", - падкрэсліў Рапота.
Паводле яго слоў, там вялікае поле дзейнасці, але ўсе задачы вырашальныя.
