МІНСК, 26 сту - Sputnik. Мінгарвыканкам наўмысна не спяшаецца рэгістраваць Грамадскае Аб'яднанне "Бессмяротны полк", лічыць старшыня савета Грамадскага аб'яднання "Бессмяротны полк" Валерый Драка.
У мінулым годзе арганізатарам акцыі з вялікай цяжкасцю, у самы апошні момант удалося атрымаць дазвол на правядзенне акцыі "Бессмяротны полк" у Дзень Перамогі, 9 мая.
"Для ўрэгулявання ў далейшым складанасцяў, якія ўзнікаюць пры атрыманні дазволу на правядзенне шэсця "Бессмяротнага палка", вырашана было заснаваць гарадское Грамадскае аб'яднанне "Бессмяротны полк", - паведаміў Валерый Драка.
14 верасня 2018 года ў галоўнае ўпраўленне юстыцыі Мінгарвыканкама была пададзена заява і камплект устаноўчых дакументаў. Па выніках разгляду было адзначаны 2 невялікія недахопы. Прадстаўнікі аб'яднання іх ліквідавалі і падалі дакументы зноў.
"Другая адмова выклікала здзіўленне: усе 4 ізноў "выяўленых" недахопы тычыліся тых месцаў у прадстаўленых дакументах, тэкст якіх пры іх першым разглядзе ў супрацоўнікаў галоўнага ўпраўлення юстыцыі Мінгарвыканкама нараканняў не выклікаў", - здзіўлены Драка.
Старшыня савета адзначае, што нічым іншым, як наўмысным зацягваннем рэгістрацыі дзеянні сталічных чыноўнікаў растлумачыць нельга.
Супольнікі нагадваюць, што правядзенне акцыі "Бессмяротны полк" уваходзіць план мерапрыемстваў, падпісаны ў Душанбэ кіраўнікамі СНД "Аб падрыхтоўцы да святкавання 75-годдзя Перамогі ў Вялікай Айчыннай вайне 1941-1945 гадоў".
Актывісты ГА "Бессмяротны полк" адзначаюць, што вымушаны звярнуцца да Прэзідэнта Беларусі з просьбай аб абароне канстытуцыйнага права на свабоду аб'яднанняў.
Акцыя "Бессмяротны полк" традыцыйна праходзіць у Дзень Перамогі ў Расіі, краінах СНД, блізкага і далёкага замежжа. Людзі выходзяць на вуліцы гарадоў з партрэтамі сваіх родных, якія прымалі ўдзел у баявых дзеяннях на франтах ці працавалі ў тыле падчас Вялікай Айчыннай вайны.
У мінулым годзе мінскія ўлады адмовілі ўдзельнікам акцыі ў правядзенні шэсця "Бяссмяротнага палка" і толькі напярэдадні Дня Перамогі, 8 мая, пасля сустрэчы арганізатараў акцыі з кіраўніком Мінгарвыканкама Андрэем Шорцам, гэтае рашэнне было адменена.
"Бессмяротнаму" дазволілі прайсці ад плошчы Якуба Коласа да плошчы Перамогі. У выніку ў акцыі прыняло ўдзел каля 5 тысяч чалавек.
