МІНСК, 28 сту - Sputnik. Беларусь можа прыняць Чэмпіянат свету па фігурным катанні, такую прапанову міжнароднай федэрацыі па гэтаму віду спорту зрабіў прэзідэнт рэспублікі Аляксандр Лукашэнка.
Мінск на працягу мінулага тыдня прымаў Чэмпіянат Еўропы па фігурным катанні. У нядзелю падчас гала-канцэрта спаборніцтваў "Мінск-Арэну", асноўную пляцоўку ЧЕ, наведаў і прэзідэнт Беларусі.
"Я звяртаюся да арганізатараў, што мы можам прыняць тут Чэмпіянат свету", - заявіў Лукашэнка.
Беларускі лідар падзякаваў ад усёй душы і ад народа міжнародную федэрацыю за тое, што яна даверыла рэспубліцы ўпершыню правесці Чэмпіянат Еўропы.
"Я чуў ацэнкі - яны станоўчыя. Калі вы вырашыце прыехаць сюды з вялікім, то вы не пашкадуеце", - паабяцаў Лукашэнка.
Кіраўнік дзяржавы таксама падзякаваў суддзям - ён прызнаўся, што ўпершыню хваліць суддзяў, якія працуюць на "суб'ектыўным" відзе спорту. Паводле яго слоў, суддзі не сапсавалі Чэмпіянат. "Памылкі бываюць ва ўсіх, вы не забілі ўнутраны нерв гэтых спаборніцтваў. Гэта дорага каштуе", - падкрэсліў ён.
У канцы свайго выступу прэзідэнт звярнуўся да трэнераў і папрасіў іх прыязджаць у Беларусь на працу.
"Мы хочам так жа выступаць, на такім жа ўзроўні. Дапамажыце нам!" - папрасіў ён.
