У нядзелю, 27 студзеня, у Мінску завяршыўся чэмпіянат Еўропы па фігурным катанні - беларуская сталіца ўпершыню ў гісторыі прымала турнір. Наймацнейшыя фігурысты Старога Свету, у тым ліку чэмпіёны свету і Алімпіяды, уступілі ў барацьбу за медалі. Спартсмены спаборнічалі ў чатырох відах: мужчынскае і жаночае адзіночнае катанне, танцы на лёдзе, парнае катанне.
У жанчын сенсацыяй турніру стала расіянка Соф'я Самадурава, якая выйграла золата. Алімпійская чэмпіёнка з Расіі Аліна Загітава не змагла абараніць тытул, заваяваны ў 2018 годзе, і заняла другое месца. У мужчын золата прадказальна забраў іспанец Хаўер Фернандэс, для якога яно стала сёмым у кар'еры. Дарэчы, у Мінску фігурыст абвясціў аб сыходзе з вялікага спорту. У танцах на лёдзе і ў парным катанні золата павезлі французы Габрыэла Пападакіс / Гіём Сізэрон і Ванеса Джэймс / Морган Сіпер адпаведна.
Фінальнае шоу на "Мінск-Арэне" з удзелам пераможцаў і прызёраў ЧЕ наведаў кіраўнік дзяржавы Аляксандр Лукашэнка. Прэзідэнт падзякаваў удзельнікам спаборніцтваў, суддзям і трэнерам. А арганізатараў - Міжнародны саюз канькабежцаў - Лукашэнка запрасіў правесці ў Мінску Чэмпіянат свету. "Мы даказалі, я звяртаюся да арганізатараў, што можам прыняць чэмпіянат свету тут", - сказаў ён.
Чытайце таксама:
- Беларусь хоча прыняць Чэмпіянат свету па фігурным катанні
- Тарасава: у Мінску вельмі добрая арэна
Чэмпіёны Еўропы з Францыі Ванэса Джэймс і Морган Сіпрэ абнавілі сусветныя рэкорды ў парным катанні: у адвольнай праграме яны паказалі вынік 149,11 бала, набраўшы ў суме 225,66 бала. Ранейшыя рэкорды належалі ім жа - 148,37 і 221,81 бала адпаведна.
Расіяне Яўгенія Тарасава і Уладзімір Марозаў сталі ў Мінску другімі, ім не ўдалося абараніць тытул чэмпіёнаў - двойчы яны выйгравалі турнір (2017, 2018). На прэс-канферэнцыі Марозаў сказаў: "Тое, што мы не абаранілі тытул, не значыць, што мы не чэмпіёны Еўропы. Тытулы ніхто не адбіраў".
У спаборніцтвах спартыўных пар Аляксандра Байкова і Дзмітрый Казлоўскі заваявалі бронзу.
4/29
© Sputnik / Виктор Толочко
Для 16-гадовай расіянкі Соф'і Самадуравай цяперашні ЧЕ быў першым у кар'еры. Эксперты прарочылі ёй месца на п'едэстале, але ніхто не думаў, што яна адсуне Аліну Загітаву.
5/29
© Sputnik / Виктор Толочко
Пасля ЧЕ, па словах Соф'і Самадуравай, у яе будзе некалькі дзянькоў, каб прыйсці ў сябе, а яшчэ наведаць школу, дзе ёй трэба здаць некаторыя прадметы.
6/29
© Sputnik / Виктор Толочко
Алімпійская чэмпіёнка Пхенчхана Аліна Загітава была асноўнай прэтэндэнткай на золата ЧЕ-2019. Пасля кароткай праграмы яна займала першае прамежкавае месца, але памылкі ў адвольнай праграме не дазволілі ёй падняцца вышэй другой прыступкі пастамента.
7/29
© Sputnik / Виктор Толочко
У канцы выступу Аліны Загітавой на лёд паляцелі дзясяткі мяккіх цацак, у тым ліку велізарны чырвоны мядзведзь. На прэс-канферэнцыі 16-гадовая фігурыстка сказала, што адвязе яго дадому, дзе паспрабуе знайсці яму зручнае месца.
Вівека Ліндфорс з Фінляндыі заняла трэцяе месца сярод "адзіночніц".
Іспанскі фігурыст Хаўер Фернандэс заваяваў у Мінску сваё сёмае золата ЧЕ, пасля гэтага ён абвясціў аб завяршэнні кар'еры. Па колькасці перамог на еўрапейскіх першынствах іспанец дагнаў двухразовага алімпійскага чэмпіёна Яўгена Плюшчанку.
Расіянін Аляксандр Самарын саступіў Хаўеру Фернандэсу ўсяго 1,75 бала. Па словах фігурыста, ён рады, што "патрос нервы" іспанцу.
Прадстаўнік Італіі Матэа Рыцца заваяваў бронзу - ён саступіў Фернандэсу больш за 23 балы.
Расеец Міхаіл Каляда быў у ліку фаварытаў турніру. Пасля кароткай праграмы спартсмен і зусім лідыраваў. Але ў адвольнай Каляда ўпаў на кісць падчас пракату. Цудам фігурысту ўдалося пазбегнуць траўмы - ён прайшоў у Мінску медабследаванне, якое не выявіла праблем з рукой. На чэмпіянаце ў выніку Каляда стаў пятым.
Выступ беларускага фігурыста Якава Зянько на хатнім ЧЕ быў няўдалым - спартсмен набраў 56,38 бала. Ён не змог адабрацца ў адвольную праграму.
Чэмпіянат Еўропы ў Мінску для французскай пары Габрыэлы Пападакіс і Гіёма Сізэрона атрымаўся вельмі ўдалым: спартсмены не толькі заваявалі золата, але і ўстанавілі новыя сусветныя рэкорды. Так, за адвольны танец яны атрымалі 133,19 бала, набраўшы ў агульнай суме 217,98 бала. Папярэднія рэкорды былі ўсталяваныя таксама Пападакіс і Сізэронам (132,65 і 216,78 бала адпаведна) у лістападзе 2018 года на этапе Гран-пры ў Францыі. У рытм-танцы яны атрымалі 84,79 - таксама сусветны рэкорд.
Расіяніне Аляксандра Сцяпанава і Іван Букін ў танцах на лёдзе сталі другімі. "Мы па-вар'яцку рады, што спачатку заваявалі бронзавы медаль чэмпіянату Еўропы, потым яго пацвердзілі, зараз выйгралі срэбра. Для нас гэта штуршок для новай працы, гэта нас падганяе ісці далей", - сказала Сцяпанава.
Фігурысты з Італіі Шарлен Гіньяр і Марка Фабры размясціліся на трэцім месцы.
У танцах на лёдзе Беларусь прадстаўлялі Ганна Кублікава і Юры Гуліцкі. Па выніках кароткай праграмы яны змаглі кваліфікавацца ў адвольную. Аднак навязаць барацьбу асноўным фаварытам беларусы не змаглі, нават не патрапіўшы ў топ-10.
18/29
© Sputnik / Виктор Толочко
Чэмпіёнка Еўропы Соф'я Самадурава бездакорна адкатала сваю праграму на гала-шоу.
19/29
© Sputnik / Виктор Толочко
Французскія фігурысты Ванэса Джэймс і Морган Сіпрэ на гала-канцэрце пацвердзілі свой узровень - уладальнікаў золата ЧЕ-2019.
20/29
© Sputnik / Виктор Толочко
Італьянскі фігурыст Матэа Рыцца здзівіў усіх на гала-канцэрце, выканаўшы ролю паляўнічага за прывядзеннямі.
21/29
© Sputnik / Виктор Толочко
Расіяне Вікторыя Сініцына і Мікіта Кацалапаў пасля гала-шоу не пасаромеліся і падышлі да прэзідэнта краіны Аляксандру Лукашэнку і зрабілі з ім сэлфі.
22/29
© Sputnik / Виктор Толочко
Самай чаканым выступам вечару быў выступ Аліны Загітавай. Расіянка выйшла на лёд у выдатным настроі і запаліла.
23/29
© Sputnik / Виктор Толочко
Расійскія фігурысты Аляксандра Байкова і Дзмітрый Казлоўскі на гала-шоу станчылі пад кампазіцыю "Песняроў" "Беларусь".
24/29
© Sputnik / Виктор Толочко
Ганна Кублікава і Юры Гуліцкі таксама падтрымалі айчынных музыкаў, выйшаўшы на лёд пад песню "Каханне ў далонях" Аляксандра Патліса.
Аляксандра Сцяпанава і Іван Букін на лёдзе "Мінск-Арэны" станчылі так, што ў гледачоў мурашкі прабеглі па скуры.
26/29
© Sputnik / Виктор Толочко
Самае, бадай, арыгінальнае выступленне на гала-канцэрце было ў выкананні французаў Ніколь Дэла Монікі і Матэа Гуарызэ - яны "ператварылі" лёд "Мінск-Арэны" ў рынг.
Чэмпіянат Еўропы ў Мінску стаў апошнім прафесійным спаборніцтвам для легендарнага іспанца Хаўера Фернандэса.
Аляксандр Лукашэнка пахваліў працу суддзяў на ЧЕ, адзначыўшы, што яны "не сапсавалі, не забілі ўнутраны нерв гэтага спаборніцтва".
Аляксандр Лукашэнка зрабіў сумеснае фота з удзельнікамі гала-канцэрта, перад гэтым падарыўшы кожнаму шакалад.
