Напярэдадні ў турэцкім Белеку барысаўскі БАТЭ правёў таварыскі паядынак супраць "Сувона" з Паўднёвай Карэі. Сустрэча завяршылася перамогай паўднёвакарэйскай каманды - 2:0. Першы гол быў забіты на 5-й хвіліне з пенальці, другі - на 45-й.
"Сённяшні спарынг гэта як адзін са сродкаў у падрыхтоўцы, яна патрэбна была такая з добрым супернікам, які нашмат лепш за нас гатовы. І на фоне гэтага ўсяго паглядзець на сябе і на людзей, які ўліліся ў каманду", - сказаў пасля гульні галоўны трэнер БАТЭ Аляксей Бага.
Паводле яго слоў, матч быў вельмі інфарматыўным з усіх бакоў. "Яшчэ раз кажу, мы расцэньваем яго як сродак у падрыхтоўцы да сезона. Зразумела, што вынік хочаш не хочаш, але разлічваеш на станоўчы, але раз ужо так здарылася, на гэта ёсць свае прычыны", - працягнуў спецыяліст.
Бага запэўніў, што каманда правядзе працу над памылкамі і будзе рухацца далей.
Барысаўчанам трэба будзе правесці яшчэ два спарынгі на зборы ў Турцыі - супраць аўстрыйскага "Вольфсбурга" (3 лютага) і сербскай "Войводдзіны" (6 лютага).
14 лютага на "Барысаў-Арэне" "жоўта-сінія" правядуць матч 1/16 фіналу Лігі Еўропы супраць лонданскага "Арсенала". Квіткі на матч паступілі ў продаж напярэдадні.
