МІНСК, 30 сту - Sputnik. Расійская авіякампанія Red Wings не будзе выконваць рэйсы з Віцебска і Гомеля ў Маскву, паведамляе Sputnik.
Расійская авіякампанія планавала пачаць рэйсы з абласных цэнтраў Беларусі ў расійскую сталіцу - спецыяльна для гэтага ў кастрычніку мінулага года Red Wings атрымаў адпаведны допуск у Расавіяцыі. Аднак аб канкрэтным старце палётаў у кампаніі не паведамлялася.
Зрэшты, напрыканцы студзеня высветлілася, што Red Wings і зусім перадумала лётаць з Гомеля і Віцебска. Так, Расавіяцыя адклікала допуск на здзяйсненне гэтых рэйсаў. Прычына - "самастойнае адкліканне допуску перавозчыкам".
Прычыну такога рашэння ў самой Red Wings пакуль не называюць.Апошнім часам мясцовыя ўлады надаюць вялікую ўвагу развіццю рэгіянальных аэрапортаў. Прыцягваць туды авіякампаніі заклікалі і ў Мінтрансе. Так, з абласных цэнтраў здзяйсняюцца чартарныя рэйсы і рэгулярныя рэйсы. У рэгіёны планаваў прыйсці і расійскі лоукостар "Победа", аднак пытанне да гэтага часу не вырашана.
