МІНСК, 13 лют - Sputnik. Міліцыя гарантуе індывідуальны падыход да заўзятараў на матчы Лігі Еўропы УЕФА БАТЭ - "Арсенал", які не адаб'ецца на якасці надглядаў, паведамілі ў прэс-службе УУС Мінаблвыканкама.
Заўтра, 14 лютага, на "Барысаў-Арэне" адбудзецца матч 1/16 фіналу Лігі Еўропы УЕФА паміж барысаўскім БАТЭ і лонданскім "Арсеналам".
Міліцыя звярнулася да заўзятараў з просьбай прыязджаць на гульню загадзя - пропуск на стадыён пачнецца за дзве гадзіны да стартавага свістка, які прагучыць у 20:55.
"У мэтах забеспячэння бяспекі пры пропуску на стадыён будуць ажыццяўляцца ўжо звыклыя надглядныя мерапрыемствы. Пры гэтым супрацоўнікі міліцыі плануюць арганізаваць пропуск максімальна хутка, да заўзятараў будзе прымяняцца індывідуальны падыход, які разам з гэтым не адаб'ецца на якасці надглядных мерапрыемстваў", - распавялі ў абласным УУС.
Праваахоўнікі нагадалі, што з сабой на арэну нельга праносіць зброю, узрыўчатку, алкаголь і буйныя рэчы, а таксама быць п'яным.
Акрамя таго, у міліцыі адзначылі, што, нягледзячы на наяўнасць каля арэны сямі аўтастаянак на 950 машынамесцаў, лепш прыязджаць на гульню на грамадскім транспарце. Калі ж заўзятары вырашаць дабірацца да Барысава на аўто, камфортней гэта будзе зрабіць па трасе М1.
Раней у прэс-службе БАТЭ паведамілі, што пасля гульні будзе пушчана дадатковая электрычка ў Мінск, якая адправіцца ад станцыі "Барысаў" у 23:25, а ў сталіцу яна прыбудзе ў 00:59. Праезд - бясплатны для прыхільнікаў БАТЭ.
