МІНСК, 13 лют - Sputnik. Расійскі прэзідэнт Уладзімір Пуцін пажартаваў, што пасля завяршэння працы на пасадзе кіраўніка дзяржавы можа сысці ў прафесійны хакей, паведаміла РІА "Новости".
Гэтую заяву расійскі лідар зрабіў падчас сустрэчы з прадстаўнікамі грамадскасці па пытаннях ажыццяўлення нацыянальнага праекта "Жыллё і гарадское асяроддзе". Да Пуціна звярнуўся адзін з падманутых дольшчыкаў, ён папрасіў прэзідэнта дапамагчы яму "як хакеіст хакеісту" у пытанні выдзялення сродкаў з федэральнага бюджэту для вырашэння праблем з жыллём.
"Ну, хакеіст я яшчэ той... Я ўсё ж такі займаюся зараз іншай працай. Потым, можа, пазней перайду ў прафесійную хакейную лігу, калі ў мяне будзе менш абавязкаў па сённяшнім месцы працы", - сказаў Пуцін.
Пуцін займаецца хакеем досыць рэгулярна. Ён у 2011 годзе стаў ініцыятарам стварэння Начной лігі, якая аб'яднала не толькі аматараў хакея, але і прафесіяналаў - вядомых спартсменаў СССР і Расіі.
