Ружу з сотні кубікаў Рубіка падарылі ўсім закаханым школьнікі з Магілёва

© Sputnik / Мария ЗуеваМагілёўскія школьнікі зрабілі падарунак да дня закаханых з сотні кубікаў Рубіка
Магілёўскія школьнікі зрабілі падарунак да дня закаханых з сотні кубікаў Рубіка - Sputnik Беларусь
Складаную карціну-мазаіку выхаванцы адзінага ў Беларусі дзіцячага гуртка па спідкубінгу і куб-арце склалі за паўгадзіны.

Да дня ўсіх закаханых вучні 21-й магілёўскай школы паднеслі асаблівы падарунак. Школьнікі, якія займаюцца ў гуртку "Кубік Рубіка і арт-куб", стварылі незвычайную кветку, якая складаецца з сотні кубікаў Рубіка. Прычым майстравалі арт-аб'ект аўтары на хуткасць. Зафіксаваны час - 30 хвілін 40 секунд.

Дзень усіх закаханых - Sputnik Беларусь
Як павіншаваць з Днём усіх закаханых па-беларуску: пяць вершаў пра пачуцці

Сярод васьмі юных стваральнікаў карціны - вучні 3-5 класаў. Нягледзячы на тое, што гурток па спідкубінгу і куб-арце ў школе працуе паўгода, рабяты справіліся з задачай у самыя кароткія тэрміны. Мазаіку - піксельную ружу - яны вобразна падарылі ўсім закаханым.

"Усе дораць 14 лютага звычайныя кветкі. А мы вырашылі зрабіць незвычайную кветку. З кубікаў Рубіка. Ён, я думаю, больш запомніцца", - падзялілася адзін з аўтараў карціны Аліна Алесіч з 4 "Б".

Каб зрабіць такую мазаіку, спачатку малюнак, які плануецца ўзнавіць, перакладаецца ў пікселі, потым разбіваецца на фрагменты. Задача кожнага школьніка - сабраць свой фрагмент. У выніку каманднай працы атрымліваецца карціна з 100 кубікаў. Такіх работ у гурткоўцаў ужо каля трох дзясяткаў. У творчай скарбонцы школьнікаў, да прыкладу, партрэты Моны Лізы і Ван Гога.

© Sputnik / Мария ЗуеваСімвал любові з кубікаў Рубіка гурткоўцы стварылі за паўгадзіны
Ружу з сотні кубікаў Рубіка падарылі ўсім закаханым школьнікі з Магілёва - Sputnik Беларусь
Сімвал любові з кубікаў Рубіка гурткоўцы стварылі за паўгадзіны

Напрамак куб-арта рэдкі для Беларусі. Дзіцячы гурток па спідкубінгу і куб-арце ў Магілёве сёння адзіны падобны ў краіне. Ён з'яўляецца часткай праекта "IQ ў кубе", стваральнік і кіраўнік якога магілёвец Андрэй Музароў. Праект стартаваў у 2017 годзе, але рэалізацыя яго пачалася пасля таго, як аўтар выступіў на найбуйнейшым конкурсе сацыяльных праектаў Беларусі Social Weekend у 2018 годзе. Андрэй Музароў выйграў хакатон і яго ідэя папулярызацыі выкладання спідкубінгу і куб-арта стала лепшай сярод настаўніцкіх ініцыятыў, атрымаўшы грант на 1300 рублёў. На гэтыя сродкі былі закуплены амаль паўтары сотні кубікаў Рубіка. Так у 21-й школе Магілёва і з'явіўся новы гурток.

"У рабят вельмі вялікі энтузіязм. Кубік Рубіка зараз перажывае ўсплёск папулярнасці. Мода цыклічная. Так і гэтая, здавалася б, маленькая галаваломка сёння, як і 30 гадоў таму, вельмі запатрабаваная. І дзеці ўжо не проста збіраюць кубікі на хуткасць, а ствараюць з іх карціны", - распавёў кіраўнік праекта "IQ у кубе" Андрэй Музароў.

© Sputnik / Мария ЗуеваНезвычайнае хобі юным беларусам падараваў кіраўнік праекта "IQ у кубе" магілёвец Андрэй Музароў
Ружу з сотні кубікаў Рубіка падарылі ўсім закаханым школьнікі з Магілёва - Sputnik Беларусь
Незвычайнае хобі юным беларусам падараваў кіраўнік праекта "IQ у кубе" магілёвец Андрэй Музароў

Ружа, як кажуць у гуртку, - гэта мілая прыемнасць на свята з рамантычным падтэкстам. Выхаванцы гатовыя ісці куды далей. Ім пад сілу ўзнаўляць малюнкі з фатаграфій. І калі пакуль карціны ствараюцца са ста кубікаў, хутка рабяты пачнуць выкарыстоўваць 225. А ў планах юных стваральнікаў - анімацыя з кубікаў Рубіка.

Сёння вучні магілёўскай школы займаюцца сваім любімым хобі па суботах. У гуртку па спідкубінгу і куб-арце майстэрства адточваюць паўтара дзясятка хлопчыкаў і дзяўчынак. Выкладчык Андрэй Музароў лічыць, што такая STEAM-адукацыя дазваляе дзецям дабівацца сур'ёзных поспехаў у вучобе і творчасці. Дзякуючы заняткам развіваецца алгарытмічны мысленне, логіка, уменне хутка прымаць рашэнні.

© Sputnik / Мария ЗуеваУ гуртку па спідкубінгу і куб-арце майстэрства адточваюць паўтара дзясятка хлопчыкаў і дзяўчынак
Ружу з сотні кубікаў Рубіка падарылі ўсім закаханым школьнікі з Магілёва - Sputnik Беларусь
У гуртку па спідкубінгу і куб-арце майстэрства адточваюць паўтара дзясятка хлопчыкаў і дзяўчынак

Усе, хто наведвае гурток, добра вучацца. Пакуль адукацыйны праект у Магілёве - піянер дадзенага кірунку ў Беларусі. Але, лічыць яго аўтар, верагоднасць таго, што такія заняткі ў будучыні ўвойдуць у школьную праграму, вельмі вялікая.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі