МІНСК, 15 лют - Sputnik. Прэзідэнт Беларусі павіншаваў працаўнікоў вёскі са 100-годдзем аграрнай галіны краіны, паведамілі ў прэс-службе кіраўніка дзяржавы.
"Сто гадоў таму ў гісторыі Беларусі была адкрыта новая вяха, азнаменаваная прыкладам працоўнага подзвігу народа, самаадданай і плённай працы аграрыяў на карысць сваёй краіны", - нагадаў Аляксандр Лукашэнка.
Беларускі лідар упэўнены, што пры падтрымцы дзяржавы і апоры на досвед папярэдніх пакаленняў у айчынных аграрыяў атрымалася стварыць новую мадэль вядзення сельскай гаспадаркі.
"Развіваючы і ўдасканальваючы ўсе напрамкі аграрнай сферы, забяспечваюць харчовую бяспеку нашай краіны. Айчынныя вытворцы нязменна займаюць годныя пазіцыі ў сусветных рэйтынгах якасці", - упэўнены прэзідэнт Беларусі.
Аляксандр Лукашэнка накіраваў падзяку ўсім работнікам аграрнай сферы, пачынаючы ад ветэранаў працы і навукоўцаў і заканчваючы кіраўнікамі і перадавікамі вытворчасці за адданасць выбранай справе.
Раней на выязной калегіі міністэрства сельскай гаспадаркі і харчавання напрыканцы студзеня гэтага года ў Кобрыне Леанід Заяц заявіў, што у 2018 годзе экспарт беларускіх прадуктаў харчавання перавысіў лічбу ў 5 мільярдаў долараў.
Аграрнае ведамства краіны адлічвае сваю гісторыю ад 1919 года, калі быў заснаваны Народны Камісарыят Земляробства БССР.
