МІНСК, 17 лют - Sputnik. Беларуская фрыстайлістка Аляксандра Раманоўская стала лепшай на этапе Кубка свету ў лыжнай акрабатыцы ў Маскве.
Па выніках кваліфікацыі яна паказала 12-ы вынік, аднак у першым фінале заявіла адзін з самых складаных скачкоў. Беларуска ідэальна выканала яго ў паветры і дапусціла толькі невялікую памылкуі пры прызямленні. У суперфінал яна выйшла ўжо з другім вынікам.
У другім фінале Раманоўская зноў заявіла складаны скачок, справілася з ім і была прызнана лепшай.
![Раманоўская выйграла золата на этапе Кубка свету па фрыстайле ў Маскве Раманоўская выйграла золата на этапе Кубка свету па фрыстайле ў Маскве - Sputnik Беларусь](https://cdnn11.img.sputnik.by/img/104012/44/1040124477_0:0:3062:2048_600x0_80_0_0_9bd844692026b033cf5aa89e3011b4b2.jpg)
"Безумоўна, вельмі рада. Цяпер спадзяюся годна выступіць у Мінску. Для мяне гэты старт будзе нашмат важнейшы", - заявіла Раманоўская ў эфіры тэлеканала "Беларусь 1".
Паводле яе слоў, усё атрымалася вельмі спакойна. Спартсменка прызналася, што адчувае сябе ў Маскве даволі камфортна.
"Амаль дома, а адказнасці менш", - засмяялася пераможца этапу Кубка свету.
![Раманоўская выйграла золата на этапе Кубка свету па фрыстайле ў Маскве Раманоўская выйграла золата на этапе Кубка свету па фрыстайле ў Маскве - Sputnik Беларусь](https://cdnn11.img.sputnik.by/img/104012/45/1040124551_0:0:3166:2048_600x0_80_0_0_3534cf38729ab967be7c081e1912c666.jpg)
Нагадаем, Раманоўская на пачатку лютага ўпершыню ў гісторыі беларускага жаночага фрыстайла выйграла золата чэмпіянату свету.
Наступны, перадапошні этап Кубка свету адбудзецца ў беларускіх Раўбічах ўжо 23 лютага.