МІНСК, 18 лют - Sputnik. Інстыту мовазнаўства імя Якуба Коласа Нацыянальнай акадэміі навук Беларусі праводзіць Тыдзень роднай мовы. Шэраг мерапрыемстваў прымеркаваны да Дня роднай мовы, які штогод азначаецца ў нашай краіне 21 лютага.
Распачнецца святкаванне 19 лютага з сустрэчы са студэнтамі факультэта славянскіх і германскіх моў Баранавіцкага дзяржаўнага ўніверсітэта. Іх чакае экскурсія па Музеі старажытнабеларускай культуры, а таксама знаёмства з гісторыяй інстытута.
20 лютага гасцей Тыдня роднай мовы чакае круглы стол аб праблемах функцыянавання беларускай медыцынскай тэрміналогіі. У пасяджэнні прымуць удзел не толькі філолагі, але і выкладчыкі медыцынскіх устаноў краіны. У гэты ж дзень, але ў Музеі РСДРП, адбудзецца прэзентацыя "Расейска-беларускага слоўніка". Выданне з’яўляецца адзіным у краіне даведнікам, які максімальна поўна адлюстроўвае багацце сярэднебеларускіх гаворак як падмурка беларускай нацыянальнай мовы.
21 лютага ўсіх слухачоў Акадэміі кіравання пры Прызідэнце Беларусі запрашаюць на лекцыю па дзелавой камунікацыі, а студэнтаў і выкладчыкаў філалагічнага факультэта БДУ – на выступленне акадэміка Аляксандра Лукашанца.
22 лютага для студэнтаў факультэтаў пачатковай адуацыі, дашкольнай адукацыі і Інстытута інклюзіўнай адукацыі пройдзе віктарына, а ўсе зацікаўленыя змогуць наведаць лекцыю даследчыка беларускай мовы Сяргея Запрудскага.
Міжнародны дзень роднай мовы зацверджаны рашэннем ЮНЭСКА ў 1999 годзе і з таго часу адзначаецца штогод.
