МІНСК, 24 лют - Sputnik. Патройнае сальта з чатырма піруэтамі ў суперфінале выканаў Антон Кушнір і набраў 118,10 бала. Гэта забяспечыла яму другое месца на подыуме ў Раўбічах, дзе ўчора прайшоў этап Кубка свету па фрыстайле.
![Беларус Антон Кушнір узяў срэбра ў Раўбічах Беларус Антон Кушнір узяў срэбра ў Раўбічах - Sputnik Беларусь](https://cdnn11.img.sputnik.by/img/104029/06/1040290689_0:0:2500:1663_600x0_80_0_0_dc59b56d821a8253d65d89824d60d520.jpg)
Пасля кваліфікацыі Кушнір быў першым, у суперфінал выйшаў чацвёртым.
Першым стаў расіянін Максім Бураў, які набраў 120,36 бала. На трэцім месцы з вынікам у 99,12 бала расіянін Станіслаў Нікіцін.
![Беларус Антон Кушнір узяў срэбра ў Раўбічах Беларус Антон Кушнір узяў срэбра ў Раўбічах - Sputnik Беларусь](https://cdnn11.img.sputnik.by/img/104029/08/1040290880_0:0:2500:1664_600x0_80_0_0_00dd20c2a9d3aa6f76dfe33cc579ada1.jpg)
У фрыстайле асобна ацэньваецца тэхніка адрыву, вышыня і даўжыня палёту, форма выканання скачка і прызямленне. Прызямленне Бурава набрала больш балаў, чым у Кушніра. Абодва спартсмены выконвалі ідэнтычныя элементы.
![Беларус Антон Кушнір узяў срэбра ў Раўбічах Беларус Антон Кушнір узяў срэбра ў Раўбічах - Sputnik Беларусь](https://cdnn11.img.sputnik.by/img/104029/12/1040291203_0:0:2500:1663_600x0_80_0_0_a1f2deb94a7f6024e1545dd662f15d92.jpg)
Сёння ў Раўбічах упершыню ў гісторыі фрыстайла і лыжнай акрабатыкі пройдуць спаборніцтвы па сінхронных скачках. Гледачы змогуць убачыць выступ і беларускіх фрыстайлістак, якія ўчора не выйшлі ў фінал. Кушнір, паводле папярэдніх планаў, выступіць у пары з Дзмітрыем Мазуркевічам, калі ён адновіцца пасля падзення. Скачкі будуць здзяйсняць з трампліна вышынёй у 3,6 метра.