МІНСК, 25 лют - Sputnik. Моцны вецер прагназуецца па паўднёвым захадзе Беларусi 26 лютага, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"Днём 26 лютага па паўднёва-заходняй палове рэспублікі чакаецца ўзмацненне ветру парывамі да 15-18 м/с", - удакладнілі сіноптыкі.
У аўторак будзе воблачна з праясненнямі, пераважна без ападкаў. Дождж і мокры снег магчымы толькі па ўсходзе краіны. На асобных участках захаваецца галалёдзіца. Максімальная тэмпература паветра +2..+8°C.
У Мінску 26 лютага будзе без істотных ападкаў. Вецер паўночна-заходні парывісты. Тэмпература паветра днём +4..+6°C, вечарам +1..+3°C.
