Міністр адукацыі Ігар Карпенка на сустрэчы з дэпутатамі пастаяннай камісіі па адукацыі, культуры і навуцы Палаты прадстаўнікоў Нацыянальнага сходу РБ заявіў, што міністэрства сумесна з Мінабароны, МНС і МУС распрацуе дакумент аб забеспячэнні бяспекі навучэнцаў, у тым ліку, і ў пытаннях "бяспекі паводзін у інтэрнэце", таксама разглядаецца пытанне аб абмежаванні выкарыстанні ў школах мабільных тэлефонаў.
Ініцыятыву Міністэрства адукацыі пракаментаваў вядомы беларускі педагог, кіраўнік аднаго з прыватных адукацыйных цэнтраў Яўген Лівянт.
"У маёй школе выкарыстанне вучнямі мабільнікаў ужо абмежавана. Пытанне стаіць так - альбо далоў мабільнік, альбо мы развітваемся. Ёсць дзеці, якія пры карыстанні мабільнікамі сябе не кантралююць, ёсць і такія, якія паводзяць сябе досыць разумна. Але гэта мой, прыватны бізнэс, а як будзе ў масавай школе? Бо сёння ніякай прававой базы, якая тычыцца пытання канфіскацыі якіх-небудзь дарагіх рэчаў, якімі з'яўляюцца і мабільнікі, папросту няма", - мяркуе Лівянт.
Каментар настаўніка вышэйшай катэгорыі Яўгена Лівянта слухайце ў аўдыёзапісы на радыё Sputnik Беларусь.
