МІНСК, 5 сак - Sputnik. Аранжавы ўзровень небяспекі аб'яўлены ў Беларусі 7 і 8 сакавіка з-за ўзмацнення ветру, пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"У ранішнія і дзённыя гадзіны 7-8 сакавіка на большай частцы краіны чакаецца ўзмацненне ветру парывамі да 15-20 метраў у секунду", - распавялі сіноптыкі.
Паводле інфармацыі МНС, такія ж ўмовы надвор'я будуць у Мінску і Мінскай вобласці. У сувязі з гэтым ратавальнікі далі рэкамендацыі, якія дазволяць пазбегнуць небяспекі.
"Прыбярыце гаспадарчыя рэчы са двара і балконаў у дом або склеп, абрэжце сухія дрэвы, якія могуць нанесці шкоду вашаму жыллю. Машыну пастаўце ў гараж, пры адсутнасці гаража машыну варта паркаваць удалечыні ад дрэў, а таксама слаба ўмацаваных канструкцый", - параілі ў МНС.
Таксама людзям рэкамендуюць па магчымасці не выходзіць на вуліцу. А калі ўсё-такі з'явілася такая неабходнасць, трэба абыходзіць хісткія будынкі і дамы з няўстойлівым дахам, а таксама дрэвы і разнастайныя збудаванні падвышанай рызыкі: масты, эстакады, трубаправоды, лініі электраперадач і патэнцыйна небяспечныя прамысловыя аб'екты.
