МІНСК, 11 сак - Sputnik. Прахалоднае з дажджом і снегам надвор'е чакаецца ў Беларусі 12-14 сакавіка, пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
У аўторак 12 сакавіка прагназуюць пераменную воблачнасць. Ноччу і раніцай на дарогах галалёдзіца. Месцамі пройдзе кароткачасовы мокры снег. Будзе дзьмуць заходні ўмераны вецер, днём парывісты, па поўначы краіны - моцны парывісты. У начны час тэмпература паветра складзе 0..-5°С, днём - ад 0°С да +5°С.
У сераду, 13 сакавіка, у начныя гадзіны ў некаторых раёнах Віцебскай вобласці пройдзе кароткачасовы снег, днём пераважна ў заходняй частцы Беларусі чакаецца мокры снег, які будзе пераходзіць у дождж. Ноччу і раніцай на дарогах захаваецца галалёдзіца. Вецер заходні з пераходам на паўднёвы ўмераны, днём парывісты. Мінімальная тэмпература паветра ўначы будзе -2..-9°С, максімальная днём -0..+7°С.
У чацвер, 14 сакавіка, на большай частцы краіны пройдзе дождж, магчымы мокры снег. У начныя і ранішнія гадзіны месцамі будзе слабы туман і галалёд. Будзе дзьмуць паўднёвы ўмераны вецер, днём парывісты, у заходніх раёнах - моцны парывісты. Уначы слупок тэрмометра пакажа -4..+2°С, днём паветра прагрэецца да +2..+8°С, па паўднёвым захадзе - да +10°С.
У сталіцы ў найбліжэйшыя дні чакаецца воблачнае надвор'е. У аўторак днём тэмпература паветра складзе каля 0°С, парывы ветру будуць дасягаць 15 метраў за секунду. У сераду ў дзённыя гадзіны паветра прагрэецца да +3..+5°С, ападкаў не чакаецца. У чацвер у Мінску захаваецца ветранае надвор'е, тэмпература будзе вагацца ў раёне +3..+5°С, пройдуць невялікія дажджы.
