МІНСК, 14 сак - Sputnik. Мітрапаліт Мінска-Магілёўскі Тадэвуш Кандрусевіч у чацвер ўстаў на ногі пасля праведзенай напярэдадні планавай аперацыі, паведамляе партал Catholic.by.
"Сёння па рэкамендацыі ўрачоў устаў на ногі і пахадзіў па палаце", - прыводзіць словы арцыбіскупа партал.
Аперацыю Тадэвушу Кандрусевічу зрабілі напярэдадні. Гэта было планавае хірургічнае ўмяшанне. Паведамлялася, што пасля таго, як увечары ў сераду мітрапаліт ачуняў пасля наркозу, ён адчуваў моцны боль.
Кіраўнік беларускіх каталікоў прызнаўся, што па-ранейшаму адчувае боль.
"Рана яшчэ баліць, але самае галоўнае, што ўжо на другі дзень пасля аперацыі магу хадзіць. Дзякуй за малітву і салідарную падтрымку", - сказаў Тадэвуш Кандрусевіч.
Урачы пакуль устрымліваюцца ад прагнозаў, колькі прадоўжыцца рэабілітацыя 73-х гадовага арцыбіскупа.
Падчас лячэння мітрапаліта яго абавязкі, якія дазваляе кананічнае права, выконвае генеральны вікарый - біскуп Юрый Касабуцкі.
