МІНСК, 15 сак - Sputnik. Прэзідэнт Беларусі Аляксандр Лукашэнка павіншаваў суайчыннікаў з Днём Канстытуцыі, віншаванне апублікавана на афіцыйным партале кіраўніка дзяржавы.
Канстытуцыя Беларусі была прынятая 25 гадоў таму, 15 сакавіка 1994 года. Беларускі лідар адзначыў, што прыняцце Асноўнага Закона краіны дазволіла рэалізаваць імкненне многіх пакаленняў беларусаў быць гаспадарамі на сваёй зямлі.
"Канстытуцыя заклала трывалыя асновы дзяржаўнага суверэнітэту і палітычнага ладу Беларусі, устанавіла гарантыі сацыяльных правоў грамадзян, стварыла ўмовы для захавання і прымнажэння гісторыка-культурнай і духоўнай спадчыны нацыі", - адзначыў Лукашэнка.
Ён дадаў, што абапіраючыся на асноўны дакумент, рэспубліка дынамічна развіваецца, растуць гарады і вёскі і павышаецца дабрабыт насельніцтва. Таксама расце і вага краіны на міжнароднай арэне.
Кіраўнік дзяржавы перакананы, што і сучасная моладзь, якая толькі ўступае ў дарослае жыццё, зробіць свой унёсак ва ўмацаванне незалежнасці рэспублікі.
