МІНСК, 17 сак - Sputnik. Беларуска Арына Сабаленка ў пары з бельгійкай Элізе Мёртэнс атрымала перамогу на тэнісным турніры ў Індыян-Уэлсе (ЗША).
У фінале парнага разраду беларуска-бельгійскі дуэт упэўнена абыграў чэшскую пару Барбара Крэйчыкава/Кацярына Сінякова. Матч працягваўся крыху больш за адну гадзіну і завяршыўся з лікам 6:3, 6:2.
Беларуская тэнісістка Арына Сабаленка заваявала свой першы тытул WTA ў кар'еры ў парным разрадзе, Мёртэнс атрымала сёмую перамогу на турнірах у парах.
Прызавы фонд спаборніцтваў у Індыян-Уэлсе складае больш за 8,3 мільёна долараў.
У мужчынскім парным разрадзе лепшымі сталі харват Нікола Мекціч і аргентынец Орас Себальёс. У фінальным матчы яны абыгралі паляка Лукаша Кубота і бразільца Марсела Мела (4:6, 6:4, 10:3), якія былі пасеяныя пад шостым нумарам. Матч працягваўся 1 гадзіну 28 хвілін.
