МІНСК, 17 сак - Sputnik. Цёпла, але дажджліва і ветрана будзе ў Беларусі ў панядзелак 18 сакавіка, у некаторых раёнах Беларусі паветра прагрэецца да +16..+17°С, а на ўсходзе рэспублікі абвешчаны аранжавы ўзровень небяспекі, паведамілі ў нядзелю ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Паводле інфармацыі Белгідрамета, 18 сакавіка на надвор'е ў Беларусі будуць уплываць цёплыя паветраныя масы, максімальная тэмпература днём па краіне складзе +7..+13°С, на паўднёвым усходзе паветра прагрэецца да +17°С.
На працягу дня захаваецца парывісты вецер, ноччу і раніцай чакаюцца слабы туман і галалёдзіца. Ноччу істотныя ападкі не чакаюцца, а днём кароткачасовыя дажджы пройдуць па ўсёй краіне.
На ўсходзе Беларусі аб'яўлены аранжавы ўзровень небяспекі: у Віцебскай вобласці і Мінску чакаецца моцны парывісты вецер, а ў Магілёўскай і Гомельскай абласцях - штармавы (да 15-16 метраў у секунду).
