МІНСК, 22 сак - Sputnik. Беларусь можа быць на 50% багацей пры беражлівым падыходзе да перапрацоўкі смецця, сказаў прэзідэнт падчас сустрэчы з актывам Баранавічаў і Баранавіцкага раёна.
"Гэта значыць, мы сябе збядняем напалову. Аўчынка варта вырабу, і гэтым трэба займацца", - прыводзіць словы прэзідэнта БелТА.
Ён адзначыў, што за разумны падыход да перапрацоўкі смецця змагаюцца ў шэрагу краін, таму што паасобны збор рэнтабельны. У прыклад ён прывёў Швейцарыю, якая не вырабляе шкло традыцыйным чынам, як гэта робіць Беларусь, аднак бярэ матэрыял з бою шклатары і вырабляе новы прадукт.
Еўрапейскі банк рэканструкцыі і развіцця гатовы падтрымліваць Беларусь у пытаннях перапрацоўкі другаснай сыравіны. Лукашэнка адзначыў, што на гэтыя мэты банк гатовы даць нямала крэдытаў пад невялікі працэнт. Кіраўнік дзяржавы даў пазітыўную ацэнку крокаў банка насустрач падобных ініцыятываў.
Яшчэ ў студзені прэзідэнт загадаў адказней падысці да пытання паасобнага збору адходаў. Пачаць ён даручыў са збору пластыка.
Кіраўнік дзяржавы раней ужо выказаў незадаволенасць тым, што большасць напояў у краіне прадаюць у пластыкавай тары. Адміністрацыі прэзідэнта было дадзена даручэнне ўзяць на жорсткі кантроль паасобны збор другаснай сыравіны.
