МІНСК, 25 сак - Sputnik. У сельскай гаспадарцы неабходна генераваць новыя ідэі і напрамкі развіцця, падзяліўся сваім меркаваннем прэзідэнт Беларусі ў ходзе візіту на сельгаспрадпрыемства "Газавік-Сіпакова".
Беларускі лідар у аграгарадку Дабрэйка на Магілёўшчыне цікавіўся, чым займаецца мясцовая гаспадарка і як яна будзе развівацца ў перспектыве.
Дырэктар прадпрыемства "Газавік-Сіпакова" Вадзім Гарбін распавёў аб вытворчасці мяса-малочнай прадукцыі, якую мясцовыя аграрыі плануюць пашыраць. Да таго ў планах стаіць і вытворчасць рапсавага алею з уласнай сыравіны, якая пакуль проста прадаецца.
Паводле слоў Аляксандра Лукашэнкі, на фоне аналагічных сельгаспрадпрыемстваў рэгіёна "Газавік-Сіпакова" працуе добра.
"Патрэбна разыначка ў кожнай гаспадарцы, па-старому працаваць нельга - гэта бяда. Трэба не толькі генераваць новыя ідэі, але і ствараць новыя напрамкі развіцця", - цытуе прэзідэнта яго прэс-служба.
