МІНСК, 26 сак - Sputnik. Стратэгічныя камунікацыі і практычны піяр дзяржорганаў, метады працы прэс-сакратароў са СМІ і многія іншыя тэмы сёння абмяркоўваюць у прэс-цэнтры Sputnik. Першыя лекцыі праходзяць ужо зараз, у іх прымаюць удзел больш за 50 спецыялістаў па сувязях з грамадскасцю.
Прэс-сакратары міністэрстваў і ведамстваў змогуць паглыбіць свае веды аб працы з медыя ў сацыяльных сетках, выкарыстанні інтэрнэт-лічыльнікаў, Google Analytics, Яндэкс.Метрыкі, антыкрызісным рэагаванні.
Майстар-класы сёння праводзяць кіраўнік прэс-службы міжнароднага інфармацыйнага агенцтва "Россия сегодня" Дзмітрый Баршчэўскі, аналітык МІА "Россия сегодня" Ігар Тугушэў, прэс-сакратар інфармацыйнага агенцтва і радыё Sputnik Беларусь Павел Тухто.
"Памыляюцца ўсе, нават прэс-сакратары міністраў не застрахаваны ад памылак. Мы раскажам, як іх не дапускаць наогул ці мінімізаваць", - адзначыў Тухто.
З лекцыяй "PR дзяржаўных структур - драйв на грані фолу" ў прэс-цэнтры выступіў Дзмітрый Баршчэўскі. Ці сябраваць дзяржорганам са СМІ - на гэтае пытанне ён паспрабаваў адказаць у сваім выступе.
"Прэс-сакратары дзяржорганаў павінны прымаць хуткія рашэнні ў інтарэсах мэтавых аўдыторый, прадстаўляць сваё кіраўніцтва", - распавёў Баршчэўскі пра сваё поглядзе на працу прэс-службаў дзяржорганаў.
Крыху пазней Ігар Тугушэў раскажа, чаму пра эфектыўнасць прэс-службы не можа ісці і гаворкі, калі яна не выкарыстоўвае інтэрнэт-аналітыку.
"Для чаго нам патрэбныя сістэмы вэб-аналітыкі? Як яны дапамагаюць СМІ і бізнесу, якія ёсць віды сістэм вэб-аналітыкі? Канверсія, карыстальнікі, сесія - я ўвяду слухачоў у курс справы, каб яны разумелі, як гэта выкарыстоўваць на рынку", - анансаваў свой выступ Баршчэўскі.
А ў завяршальнай частцы майстар-класаў Павел Тухто падзеліцца сваім поглядам на прэс-рэлізы і раскажа, што журналістам не падабаецца ў рассыланнях прэс-службаў.
Праект Sputnik Pro створаны для таго, каб садзейнічаць абмену ведамі паміж спецыялістамі медыясферы, работнікамі прэс-службаў, маладымі журналістамі і студэнтамі розных краін. За час існавання праекта ў розных фарматах у ім прынялі ўдзел прадстаўнікі каля 80 краін. На пляцоўцы прэс-цэнтра Sputnik Беларусь праект праходзіць ужо ў восьмы раз.
