МІНСК, 26 сак - Sputnik. Беларусь заняла 64-е месца ў рэйтынгу пашпартоў, складзеным кампаніяй Henley & Partners.
Рэйтынг адлюстроўвае змены ў бязвізавым рэжыме краін свету за другі квартал 2019 года. Беларусь паднялася ў рэйтынгу на дзве пазіцыі, хоць лік бязвізавых напрамкаў па-ранейшаму 77.
Японія, Сінгапур і Паўднёвая Карэя падзялілі першае месца. Грамадзяне гэтых краін могуць наведваць без візы або з візай па прыбыцці 189 дзяржаў.
Германія заняла другое месца, страціўшы магчымасць бязвізавага ўезду ў Узбекістан. Трэцяе месца падзялілі адразу 5 краін - Данія, Фінляндыя, Францыя, Італія і Швецыя.
Вялікабрытанія і ЗША губляюць пазіцыі - у 2015 годзе яны займалі першае месца, але цяпер яны занялі пятае і шостае месцы адпаведна. Страта Брытаніяй пазіцый звязаная не з пагаршэннем яе становішча, а з тым, што свае паказчыкі палепшылі азіяцкія краіны.
Колькасць бязвізавых напрамкаў для расіян скарацілася на адну краіну за кошт змяненняў візавага рэжыму з Аманам. Зараз расіяне могуць без візы ўехаць у 118 краін. Паказчыкі Украіны і Казахстана не змяніліся - украінцы без візы могуць уехаць у 128 краін, казахі - у 76 краін. Для грамадзян Малдовы адкрыта 121 краіна. За 10 гадоў Малдова паднялася ў рэйтынгу на 21 радок, Украіна - на 22, Грузія - на 17.
Высокія пазіцыі займаюць пашпарты краін, у якіх дзейнічаюць праграмы атрымання грамадзянства праз інвестыцыі. Мальта за тры месяцы паднялася з 9-ы на 8-ы радок рэйтынгу. Яна апярэджвае Аўстралію, Ісландыю і Новую Зеландыю. Вынікі Кіпра не змяніліся - ён займае 16-е месца. Чарнагорыя, якая павінна запусціць сваю інвестыцыйную праграму ў бліжэйшыя месяцы, паднялася на 19 радкоў з 2009 года, і цяпер займае 43-е месца. Для яе грамадзян адкрыты 124 кірункі.
Завяршаюць рэйтынг Афганістан і Ірак. У гэтых краін бязвізавы рэжым адкрыты з трыццаццю дзяржавамі.
