МІНСК, 27 сак - Sputnik. Моцны вецер, снег і галалёдзіца чакаюцца па Беларусі ў сераду, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Па рэспубліцы абвешчаны аранжавы ўзровень небяспекі з-за моцнага ветру. На захадзе магчымы парывы да 15-20 метраў у секунду, у цэнтральных рэгіёнах вецер таксама будзе моцны, пераважна паўднёвы з парывамі да 12-14 м/с.
Па паўднёвым усходзе краіны чакаюцца ападкі, у асноўным у выглядзе мокрага снегу. На адкрытых участках дарог - галалёдзіца. Тэмпература паветра ў начны час - ад -4°С да +2°С, удзень +1..+7°С.
Пасля вясновага цяпла ў рэспубліку вярнулася халаднаватае надвор'е, у многіх рэгіёнах выпаў снег. Карыстальнікі сацыяльных сетак актыўна дзеляцца фатаграфіямі зімы, якая раптам прыйшла ў краіну ў канцы сакавіка.
