МІНСК, 28 сак - Sputnik. Беларусь і ЗША могуць прызначыць паслоў праз год-два, заявіў намеснік міністра замежных спраў Беларусі Алег Краўчанка.
"Я перспектывы вырашэння гэтага пытання (па ўзаемнай вяртанні амбасадараў - Sputnik) ацэньваю дзесьці ў год-два, то бок не вельмі хутка гэта будзе, але гэта не таму, што мы па чымсьці не дамовіліся, а таму што, на жаль, сапраўды вялікі час займае гэта хутчэй нават на амерыканскім баку. Гэта ніякі не папрок, гэта проста канстатацыя рэальнасці", - заявіў Краўчанка, яго словы прыводзяць РІА Навіны.
Паводле слоў намесніка міністра, праблема не ў дамоўленасцях бакоў, а ў тым, што для абмену пасламі неабходна правесці шэраг тэхнічных працэдур, якія патрабуюць пэўнага часу.
Штаты амерыканскага пасольства ў Беларусі і беларускага пасольства ў Злучаных Штатах былі скарочаныя ў 2008 годзе. Штат пасольства ЗША ў Беларусі тады скарацілі да пяці чалавек. У сувязі з гэтым дыпведамства часова спыніла выдачу віз.
У цяперашні час у беларуска-амерыканскіх адносінах назіраецца працэс паступальнай нармалізацыі. У прыватнасці, з 1 лютага 2018 года пасольства аднавіла выдачу ўсіх тыпаў неіміграцыйных візаў у Мінску.
