МІНСК, 30 сак - Sputnik. У суботу ў Беларусі будзе па-вясноваму цёпла і сонечна, пра гэта сведчаць звесткі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Па дадзеных сіноптыкаў, апошнія дні ў Беларусі было даволі халаднаватымі: тэмпература паветра была ў сярэднім на 1-3°С ніжэйшай за кліматычную норму. Бліжэй да выхадных вясновае надвор'е вярнулася ў Беларусь.
"30 сакавіка надвор'е ў Беларусі будзе вызначаць вобласць павышанага атмасфернага ціску, сфарміраваная ў цёплай паветранай масе", - паведамілі ў Белгідрамеце.
У першы выхадны дзень з'явіцца сонца. Ападкаў сіноптыкі не прадказваюць, аднак можа дзьмуць вецер заходняга напрамку, месцамі - парывісты. Тэмпература паветра раніцай будзе знаходзіцца ў межах ад 1 да + 7°С, затое ўдзень пацяплее да +10 .. + 16°С.
Паводле дадзеных на Gismeteo.by, у Мінску ў гэты дзень будзе даволі сонечна, паветра прагрэецца ў сталіцы да +12°С, аднак парывы ветру могуць дасягаць 12 метраў за секунду.
