МІНСК, 31 сак - Sputnik. Цёплае надвор'е чакаецца ў Беларусі ў нядзелю 31 сакавіка, а на пачатку наступнага працоўнага тыдня пахаладае, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"31 сакавіка ноччу захаваецца ўплыў вобласці павышанага атмасфернага ціску, днём на тэрыторыю Беларусі з акваторыі Балтыкі перамесціцца франтальны раздзел", - сказалі сіноптыкі.
Раніцай і днём у рэспубліцы пройдуць невялікія кароткачасовыя дажджы, а ў некаторых раёнах будзе таксама назірацца слабы туман. Вецер узмоцніцца: днём ён будзе парывісты, а ў некаторых рэгіёнах на поўначы чакаюцца моцныя парывы.
Мінімальная тэмпература паветра ў ранішнія гадзіны складзе +2..+7°С, днём у краіне пацяплее ў сярэднім да +10..+16°С, а ў паўднёвай частцы рэспублікі паветра прагрэецца да +18°С.
"Першага красавіка пахаладае. Надвор'е ў асноўным будзе вызначаць вобласць павышанага атмасфернага ціску, сфарміраваная ў халоднай паветранай масе паўночных шырот, толькі ноччу па паўднёвым усходзе краіны адаб'ецца ўплыў малаактыўнага франтальнага падзелу", - паведамілі ў Гідрамеце.
Ападкаў не чакаецца, невялікія кароткачасовыя дажджы ў суправаджэнні парывістага ветру ў першы працоўны дзень могуць прайсці толькі ў пачатку ночы на паўднёвым усходзе Беларусі. Уначы будзе ад -3 да +3°С, днём - ад 4 да +10°С.
