Фільм "Хрусталь", які зняла наша суайчынніца Дар'я Жук, атрымаў расійскую кінапрэмію "Ніка" ў намінацыі "Лепшы фільм краін СНД, Грузіі і Балтыі. Фільм шмат у чым аўтабіяграфічны, у ім распавядаецца пра Беларусь 1990-х, калі многія прадстаўнікі моладзі спрабавалі знайсці іншую краіну для жыцця і ўвасаблення сваіх ідэалаў. Рэжысёр Дар'я Жук распавяла слухачам радыё Sputnik пра свае далейшыя планы і актуальны погляд на Беларусь.
"Шмат праектаў, яны розныя, і на рускай мове, і на англійскай, і на французскай. Вельмі хацелася б зняць новы фільм, які б прадзюсаваў Валера Дзмітрачэнка, а Аліна Насібуліна была б у галоўнай ролі", - сказала Дар'я.
Фільм "Хрусталь" здымаўся ў Беларусі, галоўныя ролі ў ім згулялі акцёры Аліна Насібуліна, Святлана Анікей і Іван Мулін. У стварэнні фільма прымалі ўдзел кінакампаніі Германіі, Расіі, ЗША і Беларусі.
Каментар уладальніка "Нікі", рэжысёра Дар'і Жук слухайце ў аўдыёзапісы на радыё Sputnik Беларусь.
