МІНСК, 1 кра - Sputnik. Дзясятая ракетка планеты беларуска Арына Сабаленка выступіць на турніры ў амерыканскім Чарльстане (прызавы фонд - 820 тысяч долараў), паведамляе Sputnik.
Беларуская тэнісістка пачне барацьбу за трафей з другога круга. Яе саперніцай будзе пераможца пары Крысціна Плішкава (№93 у рэйтынгу WTA, Чэхія) - Кацярына Казлова (99, Украіна).
У Чарльстоне таксама згуляе яшчэ адна беларуска Лідзія Марозава, праўда, у парным разрадзе. У першым крузе яна разам з японкай Сюко Аояма пазмагаецца з інтэрнацыянальным тандэмам Сафія Кенін (ЗША) / Фані Столар (Венгрыя).
На гэтым тыдні пройдзе турнір у мексіканскім Мантэрэі, дзе выступіць экс-першая ракетка свету Вікторыя Азаранка (67). У 1/16 фіналу беларуска згуляе супраць брытанкі Кэці Бултэр (89).
