МІНСК, 3 кра - Sputnik. Прэзідэнт Беларусі Аляксандр Лукашэнка падпісаў указ аб устанаўленні юбілейнага медаля "75 гадоў вызвалення Беларусі ад нямецка-фашысцкіх захопнікаў", паведамілі ў аўторак у прэс-службе беларускага лідара.
Дадзеным медалём узнагародзяць ветэранаў Вялікай Айчыннай вайны, а таксама былых вязняў фашысцкіх лагераў, гета і турмаў.
Указам прадугледжана, што ўзнагародай могуць быць ганараваныя замежныя грамадзяне, якія прымалі ўдзел у баях за вызваленне Беларусі, вайскоўцы беларускіх Узброеных сіл і іншых воінскіх фарміраванняў, чыноўнікі і людзі, якія зрабілі істотны ўнёсак у патрыятычнае выхаванне, увекавечанне памяці загінулых падчас ВАВ, арганізацыю мерапрыемстваў, прысвечаных юбілейнай даце.
Па дадзеных прэс-службы, медаль вырабяць з латуні, на пярэднім яго баку будуць намаляваныя абеліск "Мінск - горад-герой" і жаночая скульптура, якая ўвасабляе вобраз Радзімы, а таксама нанесены надпіс "Подзвіг народа несмяротны".
