Маладзёжная палата пры Парламенцкім сходзе Саюза Беларусі і Расіі задумвалася год таму як стартавая пляцоўка для актыўных маладых людзей, якія б хацелі сябе праявіць у грамадскім жыцці. У маштабе Саюзнай дзяржавы, кажа суразмоўца радыё Sputnik Беларусь Аляксандр Лук'янаў, гэта новы імпульс, закліканы асвяжыць існуючыя напрацоўкі на маладзёжным трэку.
"Мы пераходзім ад стадыі станаўлення да напрацоўкі канкрэтных праектаў і прапаноў, якія разглядаюць нашы старэйшыя таварышы - дэпутаты як з Дзяржаўнай думы Расійскай Федэрацыі, так і Нацыянальнага сходу Рэспублікі Беларусь. Вядома, для моладзі гэта свайго роду магчымасць і дадатковы трамплін, каб сябе зарэкамендаваць як чалавека, які займае актыўную грамадскую пазіцыю", - кажа Лук'янаў.
Маладзёжная палата актыўна рыхтуецца да VI Форуму рэгіёнаў, які будзе прысвечаны маладзёжнай тэматыцы, у ліку напрамкаў работы маладых парламентарыяў - распрацоўка лічбавай адукацыйна-інфармацыйнай платформы, правядзенне сацыялагічнага маніторынгу сярод моладзі Беларусі і Расіі. Асаблівы пункт у парадку дня Маладзёжнай палаты пры Парламенцкім сходзе Саюза Беларусі і Расіі - арганізацыя і правядзенне мерапрыемстваў, прысвечаных 20-годдзю Саюзнай дзяржавы.
Фрагмент гутаркі з першым намеснікам Моладзевай палаты пры Парламенцкім сходзе Саюза Беларусі і Расіі Аляксандрам Лук'янавым слухайце на радыё Sputnik Беларусь.
