Мінпрыроды просіць беларусаў не запускаць паветраныя шарыкі на святах

CC0 / Pixabay / HilkeFromm / Паветраныя шарыкі ў небе
Паветраныя шарыкі ў небе - Sputnik Беларусь
У ведамстве распавялі, што геліевыя паветраныя шарыкі забруджваюць навакольнае асяроддзе, вылучаючы таксічныя рэчывы, і могуць стаць прычынай смерці жывёл і птушак, якія з'ядаюць рэшткі латэкса.

МІНСК, 5 кра - Sputnik. Міністэрства прыродных рэсурсаў і аховы навакольнага асяроддзя просіць беларусаў не запускаць геліевые паветраныя шарыкі падчас святаў, таму што гэта наносіць сур'ёзную шкоду прыродзе, адпаведная інфармацыя размешчана на сайце ведамства.

Апошні званок - Sputnik Беларусь
Стала вядома, калі ў Беларусі пройдуць апошнія званкі і выпускныя

У Мінпрыроды адзначылі, што запуск у паветра геліевых паветраных шарыкаў стаў у апошні час адной з традыцый розных святаў - ад выпускнога да вяселля. Пры гэтым людзі зусім не задумваюцца аб тым, куды трапляюць шарыкі пасля гэтага і якія страты экалогіі яны могуць нанесці.

"Паветраныя шары могуць пераадолець адлегласць у тысячы кіламетраў, забруджваючы самыя аддаленыя і некранутыя куткі нашай планеты. Пасля падзення паветраных шароў на зямлю або ў ваду, іх латэксныя абалонкі і поліэтыленавыя вяроўкі вылучаюць у навакольнае асяроддзе таксічныя рэчывы. Паветраны шар, які ўпаў і з'едзены жывёлай, можа блакаваць яе кішачны тракт, вымушаючы жывых істот паміраць ад голаду. У стужках і нітках, якімі завязваюць шарыкі, жывёла можа заблытацца, што часцяком таксама прыводзіць да яе смерці", - распавялі пра наступствы запуску шарыкаў эколагі.

У міністэрстве разумеюць, што людзі наўрад ці адмовяцца ад падобнай традыцыі, нічым яе ня замяніўшы, таму прапануюць альтэрнатыўны і экалагічны варыянт, які запомніцца не менш, чым шарык, які адлятаў у неба.

"Мы прапануем замест запуску паветраных шарыкаў пасадзіць кветкі ці дрэвы. Напрыклад, клумба ад кожнага выпускнога класа. Можна пасадзіць адно дрэва на клас або групу. Сімвалічна, цікава і вельмі экалагічна! Дрэва застанецца назаўсёды - побач з дрэвам можна павесіць шыльду з годам выпуску і класам", - адзначылі ў Мінпрыроды.

Стужка навiн
0
Спачатку новыяСпачатку старыя
loader
У эфіры
Заголовок открываемого материала