МІНСК, 8 кра - Sputnik. Зона адчужэння на тэрыторыі Беларусі, якая была створаная пасля аварыі на Чарнобыльскай АЭС, цяпер адкрыта для турыстаў, пра гэта паведамілі ў эфіры тэлеканала АНТ.
"Сфарміраваны два маршруты, падабраныя пляцоўкі, дарогі з удасканаленым пакрыццём. Пралічаны тыя дозы, якія могуць атрымаць грамадзяне", - распавёў намеснік дырэктара Палескага дзяржаўнага радыяцыйна-экалагічнага запаведніка Максім Кудзін.
Ён адзначыў, што доза радыяцыі, якую атрымлівае пасажыр самалёта, больш за тую, якую можа атрымаць турыст за адзін дзень, праведзены ў зоне адчужэння. Іншая справа, што калі звярнуць з маршруту, лічбы на дазіметры значна вырастаюць і знаходзіцца ў такім месцы відавочна небяспечна.
Кошт экскурсіі ў зону адчужэння для групы з пяці чалавек складзе прыкладна 340 беларускіх рублёў. У кошт такога турпакета ўваходзіць і суправаджэнне гіда. Пасля таго, як будуць адпрацаваны галоўныя маршруты, могуць пачацца і масавыя экскурсіі.
У адрозненне ад украінскай частцы зоны, дзе размешчаны гарады Прыпяць і Чарнобыль, у Беларусі не знайсці могільнікаў тэхнікі і мёртвых гарадоў. З нашага боку - адселеныя пасля катастрофы вёскі, іх тут 95. Ёсць і пажарныя вышкі, адкуль бачная тэрыторыя Чарнобыльскай станцыі, але на іх падымацца забаронена.
"На розных этапах аховы тэрыторыі быў доступ людзей", - тлумачыць Кудзін той факт, што ў некаторых дамах разабрана падлога і іншым чынам нанесены ўрон.
У маршрут уключаны і парэшткі прадпрыемства, якое перш спецыялізавалася на вытворчасці кармоў для жывёл. Пасля аварыі абсталяванне вывозіць не сталі, яно моцна фаніла. Каб пусціць у будынак турыстаў, прыйдзецца дзе-нідзе нанесці белыя лініі, пераступаць праз якія нельга.
Пасля аварыі на чацвёртым энергаблоку Чарнобыльскай АЭС 26 красавіка 1986 года, тэрыторыя радыусам у 30 кіламетраў ад станцыі стала зонай адчужэння. Яна асабліва моцна пацярпела ад забруджвання радыяцыяй, і знаходзіцца ў ёй было забаронена.
Усяго ж плошча радыяцыйнага забруджвання ў Беларусі склала каля 46,5 тысячы квадратных кіламетраў. Пацярпелі 50 тысяч квадратных кіламетраў украінскай тэрыторыі, а таксама расійскія рэгіёны - амаль 60 тысяч квадратных кіламетраў.
