Відэа

Тэлевядучыя і акцёры развіталіся з Уладзімірам Курганам - відэа

Падпісацца на
НовостиTelegram
Беларускія артысты і тэлевядучыя развіталіся ў Мінску са сваім сябрам і калегам, акцёрам Нацыянальнага акадэмічнага драматычнага тэатра імя Горкага Уладзімірам Курганам. Глядзіце кадры з цырымоніі развітання.

Вядомы выкладчык сцэнічнай мовы і артыст памёр у мінулую нядзелю ва ўзросце 66 гадоў.

Грамадзянская паніхіда прайшла ў аўторак на яго роднай сцэне. У сталіцы Курган вядомы не толькі як акцёр. Ён паставіў маўленне многім вядучым радыё і тэлебачання. Тыя, хто быў з ім знаёмы, успамінаюць пра яго як пра добрага і сціплага чалавека, які рэдка гаварыў аб сваіх заслугах, але шмат што рабіў.

Развітацца з Курганам прыбылі вядучыя Святлана Бароўская, Аляксандр Ждановіч, Аляксандр Крывашэеў і многія іншыя. Калегі і блізкія акцёра ўсклалі кветкі да труны, а таксама падзяліліся ўспамінамі пра свайго сябра, якога не стала.

"Незаменных людзей няма, але ёсць непаўторныя. Уладзімір Ільіч адносіцца да гэтых людзей", - адзначыў Заслужаны артыст БССР Уладзімір Мішчанчук.

Стужка навiн
0