Свой рабочы візіт у ПВТ кіраўнік дзяржавы Аляксандр Лукашэнка пачаў з агляду выстаўкі распрацовак лепшых беларускіх кампаній у сферы лічбавых тэхналогій, паведамілі ў прэс-службе прэзідэнта.
Законы робататэхнікі
Беларускага прэзідэнта ў першую чаргу цікавіў практычны бок выкарыстання найноўшых распрацовак і што будзе запатрабавана ў будучыні. "Айцішнікі" не абыйшлі бокам і аграрную галіну і нават прапанавалі, як эканоміць грошы за кошт аўтаматызацыі працэсаў.
Нядзіўна, што Лукашэнка пахваліў беларускіх праграмістаў за іх распрацоўкі, але найбольшую цікавасць у яго выклікала робататэхніка, якую можна ўжываць на нашых аўтамабільных заводах.
"Надыходзіць эра робатаў, хацелася б гэта каму-небудзь ці не", - канстатаваў беларускі лідар.
IT будзе шукаць агульныя падыходы
У мінулым годзе прэзідэнт падпісаў дэкрэт "Аб развіцці лічбавай эканомікі", што дало старт развіццю тэхналогій блакчэйна ў Беларусі. Кіраўніку дзяржавы распавялі аб прынцыпах працы, запушчанай у студзені гэтага года крыптабіржы.
Паводле слоў Лукашэнкі, матывам для падпісання гэтага дакумента было ўсведамленне таго, што Беларусь ад гэтага нічога не згубіць.
"Будзем рухацца", - заклікаў "айцішнікаў" беларускі прэзідэнт.
Найбуйнейшым распрацоўшчыкам праграмнага забеспячэння ў краіне і рэзідэнт ПВТ кампанія ЕРАМ Systems уваходзіць у топ-100 сусветных распрацоўшчыкаў заказнога праграмнага забеспячэння.
Лукашэнка прэзентавалі ўнікальныя распрацоўкі кампаніі, якія ўжо знайшлі прымяненне, напрыклад у ахове здароўя. "За медыцыну дзякуй!" - падкрэсліў беларускі лідар.
Гаворачы аб далейшых перспектывах развіцця дзейнасці кампаніі ў Беларусі, прэзідэнт сказаў: "Давайце дамовімся. Вам не трэба шукаць агульныя падыходы з дзяржструктурамі. У вас першы віцэ-прэм'ер, можна сказаць, ваш памочнік. Калі нешта трэба, калі ласка. Не шукайце нават гэтых кантактаў. Калі нейкія перашкоды, вы не саромейцеся, кажыце", - сказаў прэзідэнт.
