У Гродне развіталіся з трэнерам Рэнальдам Кнышам

© Sputnik / Инна ГришукУ Гродне развіталіся з трэнерам Рэнальдам Кнышам
У Гродне развіталіся з трэнерам Рэнальдам Кнышам - Sputnik Беларусь
Легендарны трэнер па спартыўнай гімнастыцы, які выхаваў і прывёў да алімпійскага золата самую вядомую ў свеце гімнастку Вольгу Корбут, памёр 19 красавіка ва ўзросце 87 гадоў.

ГРОДНА, 22 кра - Sputnik, Іна Грышук. Дзесяткі людзей сабраліся ў Гродне, каб развітацца з найвялікшым трэнерам Беларусі, які 50 гадоў таму здзейсніў рэвалюцыю ў сусветнай спартыўнай гімнастыцы. Цырымонія развітання праходзіла ў зале СДЮШАР №3 па вуліцы Ажэшкі ў панядзелак, 22 красавіка.

© Sputnik / Инна ГришукЦырымонія развітання з Рэнальдам Кнышам праходзіла ў холе СДЮШАР №3 па спартыўнай гімнастыцы
У Гродне развіталіся з трэнерам Рэнальдам Кнышам - Sputnik Беларусь
Цырымонія развітання з Рэнальдам Кнышам праходзіла ў холе СДЮШАР №3 па спартыўнай гімнастыцы

Цырымонія развітання праходзіла ў холе спартыўнай школы алімпійскага рэзерву па гімнастыцы, які служыць своеасаблівай галерэяй славы гродзенскай спартыўнай гімнастыкі. На сценах - фота самых знакамітых гімнастаў і трэнераў. Цэнтральнае месца тут выдзелена для Рэнальда Кныша, які лічыцца заснавальнікам гродзенскай школы спартыўнай гімнастыкі, побач - партрэты дзвюх самых вядомых вучаніц Кныша і выпускніц гродзенскай школы спартыўнай гімнастыкі. Гэта першая беларуская алімпійская чэмпіёнка Алена Ваўчэцкая і Вольга Корбут, якая праславілася на ўвесь свет дзякуючы элементу "мёртвая пятля", які прыдумаў Кныш.

Трэнер Вольгі Корбут Рэнальд Іванавіч Кныш - Sputnik Беларусь
Пайшоў з жыцця легендарны трэнер Рэнальд Кныш

На працягу дзвюх гадзін сюды падыходзілі сябры, знаёмыя Рэнальда Іванавіча, яго шматлікія вучаніцы, прадстаўнікі гродзенскага спорту і культурнай інтэлігенцыі, кіраўніцтва вобласці і горада.

Людзі шкадавалі аб сыходзе з жыцця вялікага трэнера, ўспаміналі яго заслугі, чыталі вершы, ставілі ў прыклад яго неардынарныя здольнасці. 

Мэта - рабіць алімпійскіх чэмпіёнаў

"Ён меў на мэце выхоўваць алімпійскіх чэмпіёнаў, не больш, не менш, і дасягнуў гэтага. Больш за тое, стараўся навучыць гэтаму іншых. Дапаможнік для трэнераў ("Як рабіць алімпійскіх чэмпіёнаў", - заўв Sputnik), які напісаў Рэнальд Кныш, паспяхова выкарыстоўваецца вельмі многімі", - адзначыў у час развітальнай прамовы старшыня гродзенскага гарадскога савета дэпутатаў Барыс Фёдараў.

Ён таксама дадаў, што сышоў з жыцця чалавек, які здзейсніў рэвалюцыю ў сусветнай гімнастыцы. Менавіта ён стварыў больш за 30 новых элементаў у дадзеным відзе спорту, а сваёй упартай працай прымусіў гаварыць пра Савецкую Саюзе, горад Гродна, пра сябе і сваіх выхаванак ва ўсім свеце. Менавіта гэтага чалавека і спартсменак, якіх ён прывёў да бліскучых спартовых вынікаў, прымалі цэлыя стадыёны ў многіх краінах свету, сустракалі прэзідэнты, напрыклад, прэзідэнт ЗША Ніксан.

© Sputnik / Инна ГришукПраводзіць у апошні шлях самага вядомага ў свеце трэнера па спартыўнай гімнастыцы прыйшлі некалькі дзясяткаў чалавек
У Гродне развіталіся з трэнерам Рэнальдам Кнышам - Sputnik Беларусь
Праводзіць у апошні шлях самага вядомага ў свеце трэнера па спартыўнай гімнастыцы прыйшлі некалькі дзясяткаў чалавек

"Мне пашчасціла працаваць побач з Рэнальдам Іванавічам, бачыць, як ён куе алімпійскую чэмпіёнку Вольгу (Корбут - заўв Sputnik). Гэта яго праца, гэта яго заслуга. Ніколі нельга казаць, што спартсмены робяць сябе самі. Гімнастыка будзе памятаць і ставіць у прыклад Рэнальда Іванавіча", - адзначыла вядомая беларуская гімнастка, заслужаны майстар спорту СССР, заслужаны трэнер БССР Антаніна Кошаль.

Рэнальд Кныш памёр ва ўзросце 87 гадоў у ноч з 18 на 19 красавіка ў сваёй сціплай кватэры ў Гродна. У апошні час у яго абвастрыліся праблемы з сэрцам, у пачатку года ён доўга лячыўся ў шпіталі, у тым ліку ў рэанімацыі.

Легендарнага трэнера, які з 1972 года носіць званне Ганаровага грамадзяніна Гродна, пахавалі на алеі герояў на могілках "Сакрэт" па праспекце Касманаўтаў у Гродна.

Як прайшла цырымонія развітання, чытайце на рускай версіі Sputnik.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі