МІНСК, 25 кра - Sputnik. Больш за 80 дадатковых цягнікоў будуць запушчаны на красавіцкія і майскія святы, паведаміў у чацвер прэс-цэнтр БЧ.
Дадатковыя саставы прызначаныя з 27 красавіка па 11 мая - усяго прызначаны 81 цягнік.
Сярод дадатковых цягнікоў 61 будзе курсіраваць па тэрыторыі Беларусі, а 20 - у міжнародных зносінах.
"Сумесна з чыгуначнымі адміністрацыямі сумежных дзяржаў у міжнародных зносінах дадатковыя цягнікі прызначаны на найбольш запатрабаваных маршрутах: Мінск-Масква, Мінск-Санкт-Пецярбург, Брэст-Масква, Гомель-Сноўск, Мінск-Вільнюс", - распавялі ў БЧ.
Там адзначылі, што на ўнутрырэспубліканскіх напрамках прызначаныя цягнікі з Мінска ў Брэст, Віцебск, Гомель, Пінск, Мазыр, Полацк, а таксама Віцебск-Магілёў, Магілёў-Гомель, Магілёў-Калінкавічы.
Больш падрабязную інфармацыю аб раскладзе на святочныя дні можна даведацца на сайце БЧ і па нумары даведкі 105.
