МІНСК, 3 мая - Sputnik. Прэзідэнт Беларусі Аляксандр Лукашэнка падпісаў указ, згодна з якім ветэраны Вялікай Айчыннай вайны змогуць скарыстацца бясплатным праездам у цягніках, якія курсіруюць унутры краіны і ў напрамку Расіі.
Праўда, гэта права прадастаўлена ветэранам толькі на час святкавання 75-годдзя вызвалення Беларусі і Перамогі ў Вялікай Айчыннай вайне.
"Прынятыя меры дадуць магчымасць ветэранам Беларусі і Расіі, якія вызвалялі нашу зямлю ад гітлераўскіх акупантаў, бясплатна наведаць сваіх франтавых сяброў, памятныя мясціны і святочныя мерапрыемствы ў абедзвюх краінах", - гаворыцца ў паведамленні прэс-службы кіраўніка дзяржавы.
Раней стала вядома, што 9 мая ветэраны змогуць бясплатна тэлефанаваць па міжгародзе, каб павіншаваць сваіх баявых таварышаў. Пры гэтым дзеянне дадзенай акцыі не распаўсюджваецца на мабільных аператараў.
Чытайце таксама:
- БРСМ: да Дня Перамогі мы запусцілі інтэрнэт-чэлендж "Беларусь памятае"
- "Дыктант Перамогі" напішуць у 23 краінах свету
- Лукашэнка падпісаў указ аб узнагароджанні медалём "75 гадоў вызвалення Беларусі"
