З сённяшняга дня і да 9 мая Sputnik узяўся выконваць абавязкі палявой пошты. Праца лёгкая - дастаўляць "франтавыя трохкутнікі" мы будзем не з акопаў, а з Музея гісторыі Вялікай Айчыннай вайны.
"Каму будзем адпраўляць? Бабулі?" - раяцца бацькі з дзецьмі і садзяцца за стол каля газавай лямпы, каб прадумаць пажаданні.
"Бясплатна? Трэба адправіць! У мяне аднакласнік у Чыкага жыве і брат у Нью-Ёрку" - узрадаваўся адзін з гасцей нашай пошты і на ўсялякі выпадак удакладняе - дакладна прыйдзе? Дакладна, пацвярджаюць нашы паштальёны.
Першая паштоўка, якую падпісалі ў дзень адкрыцця Палявой пошты Sputnik, адпраўляецца пад Мурманск у горад Кандалакша. Мама Алены Мікалаеўны, якая ўпершыню прыехала ў Мінск на экскурсію, нарадзілася ў 1937 годзе, для яе і прызначаецца паштоўка.
"Мама памятае бамбёжкі, вайну не вельмі любіць успамінаць, таму што сапраўды было вельмі цяжка. Бацька працаваў на лесапільным заводзе - рабілі скрыні для снарадаў. Сям'я была вялікая, і мама дапамагала бацькам", - распавядае Алена Мікалаеўна ваенную гісторыю сваёй сям'і.
"Дзядуля з Малдовы схадзіў у Германію і застаўся ў Слоніме", - распавядае адзін з гасцей нашай палявой пошты Павел.
"Падпішы-падпішы!" - угаворвае яго жонка Дар'я.
Паштоўку ён падпісвае для бацькоў, яна паляціць на Гродзеншчыну ў вёску Чайкаўшчына.
"Для нас гэта перамога - сямейнае свята, абодва дзядулі сышлі ў апалчэнне, і ні адзін не вярнуўся", - распавёў Уладзімір, які прыехаў у Мінск з Санкт-Пецярбурга.
Франтавы трохкутнік ён падпісаў для сваіх дзяцей ужо пасля таго, як агледзеў выстаўку і прызнаў - беларускі Музей гісторыі Вялікай айчыннай вайны - лепшы з тых, у якіх ён пабываў.
Наглядчыкі музея таксама цікавяцца франтавой поштай. Адна з супрацоўніц распавяла, што год таму ўжо адпраўляла франтавы трохкутнік з палявой поштай Sputnik у Гомель свайму дзядзьку - яго дзень нараджэння выпадае на 9 мая, а год таму як раз быў юбілей. У гэтым годзе таксама плануе падпісаць трохкутнік, але пакуль што трэба весці экскурсію.
Арсень і Павел падпісваюць паштоўкі для бацькоў. Дзед і прадзед маладых людзей удзельнічалі ў вайне, але распытаць іх пра успаміны не выйшла - былі яшчэ занадта маленькімі.
"Цяпер, калі б была магчымасць, я б пагаварыў з дзядулем", - прызнае Арсень.
Тым часам паштоўкі ляцяць у Ноўгарад - бацькам Вольгі і Сяргея. Дзядуля Сяргея прайшоў вайну, служыў у марской пяхоце на Чорным моры, але яго ўжо няма сярод жывых. Маладыя людзі прызнаюцца, што ў гэтым годзе ўпершыню адпраўляюць паштоўкі да Дня Перамогі, уваходзяць у густ, акуратна выводзяць на канверце адрас, фатаграфуюцца з дзяўчатамі ў ваеннай форме, якія дапамагаюць разабрацца, як працуе палявая пошта.
А працуе яна проста - з 4 па 9 мая можаце адправіць паштоўку ў выглядзе знакамітага франтавога трохкутніка ў любую кропку свету. З вас толькі некалькі цёплых слоў да свята Перамогі і адрас, а дастаўку Sputnik бярэ на сябе.
Ну а 9 мая палявая пошта размесціцца яшчэ і ў ТРЦ Galleria Minsk.
Знайсці нас лёгка - партызанская зямлянка і трохкутнікі, адзін з якіх можа паляцець па зададзеным вамі адрасе.
"Галоўнае - не казаць, што паштоўка франтавая, многія палохаюцца, засмучаюцца, кажуць, што ветэранаў у сям'і ўжо няма", - распавядаюць дзяўчаты, якія працуюць у Палявой пошце Sputnik. А вось жадаючых проста паслаць вестку - хоць адбаўляй.
За некалькі дзён працы пошты ў мінулым годзе паштоўкі разляцеліся па ўсім свеце - ад Венесуэлы да Японіі, ад Катара да Аргенціны. І ўсяго за пару гадзін працы палявой пошты ўжо і ў гэтым годзе геаграфія палёту паштоўкі выйшла за межы Беларусі.
