З 2011 года ў Дзень Перамогі ў многіх гарадах свету праводзіцца акцыя "Бессмяротны полк". Людзі праходзяць па вуліцах з партрэтамі сваякоў, якія ўдзельнічалі ў вайне, каб аддаць даніну памяці тым, хто падарыў сваім нашчадкам мірнае неба над галавой.
Сёлета 9 мая ўдзельнікі акцыі ў Мінску стартавалі ад дома РСДРП, а потым далучыліся да рэспубліканскага шэсця "Беларусь памятае".
Рух "Бессмяротны полк" быў ініцыяваны ў 2011 годзе, па апошніх дадзеных, акцыя праводзіцца больш чым у 80 краінах свету. У тым ліку ў Аўстраліі, Бразіліі, Італіі, Новай Зеландыі і Паўднёва-Афрыканскай Рэспубліцы.
На месцы правядзення акцыі працавала здымачная група Sputnik. Удзельнікі "Бяссмяротнага палка" распавялі нашаму карэспандэнту гісторыі сваіх сваякоў, якія ваявалі на франтах Вялікай Айчыннай вайны.
