Заслужаны артыст Рэспублікі Беларусь Уладзімір Рагаўцоў нарадзіўся ў 1943 годзе ў вёсцы Гута Бялыніцкага раёна і памятае вайну толькі па расповядах маці.
"Падчас перастрэлкі група людзей схавалася ў нейкай пуні. Я быў зусім маленькім, плакаў, а мама трымала мяне на руках. Нейкая жанчына закрычала: "Задушы яго! Ён нас усіх выдасць!" Да яе падышла другая, ударыла па твары і тая супакоілася", - падзяліўся ён.
Пасля вайны на полі за пасёлкам, якое мясцовыя жыхары называлі Чыкаўкай, засталася разбітая тэхніка і порах. Адтуль яшчэ доўга былі чуваць выбухі - падрываліся маладыя хлопцы.
Прачуць нягоды ваеннай службы Уладзіміру Мітрафанавічу давялося падчас здымак у фільме "Парашуты на дрэвах".
"Мы гулялі выведнікаў, якіх заслалі ў Прусію. Здымкі праходзілі на натуры, паўгода мы здымаліся ў лясах, балотах і рэках Літвы, ездзілі на ваеннай тэхніцы і стралялі", - успамінае акцёр.
Ваенная тэма суправаджае яго ўсё творчае жыццё. З гонарам Уладзімір Рагаўцоў успамінае аб монаспектаклі паводле аповесці Васіля Быкава "Трэцяя ракета", які давялося чытаць падчас працы на радыё.
Урывак з аповесці ў выкананні заслужанага артыста Рэспублікі Беларусь Уладзіміра Рагаўцова глядзіце на відэа Sputnik.
