МІНСК, 20 мая - Sputnik. Дзве вайсковыя часці ў Беларусі праінспектуюць ваенныя з васьмі краін, якія прадстаўляюць НАТА, пра гэта паведамілі ў прэс-службе Міністэрства абароны краіны.
Інспекцыя пройдзе ў адпаведнасці з палажэннямі Дагавора аб звычайных узброеных сілах у Еўропе. Так, з 20 па 23 мая інспекцыю правядуць ваенныя з Вялікабрытаніі сумесна з прадстаўнікамі Італіі, Канады і ЗША. Інспектары выберуць і наведаюць адну з воінскіх часцей. Там яны правераць, ці адпавядае заяўленая колькасць узбраенняў і ваеннай тэхнікі фактычнай.
З 21 па 24 мая Беларусь наведае інспекцыйная група з Германіі ў суправаджэнні ваенных інспектараў з Польшчы, Нідэрландаў і Францыі. Яны таксама пабываюць у адной з вайсковых часцей, якую выберуць самі, і правядуць такую ж праверку.
У сваю чаргу беларускія вайскоўцы ў складзе міжнароднай групы назіральнікаў наведаюць 19-25 мая авіябазы і ваенныя аб'екты узброеных сіл Бельгіі, Люксембурга і Нідэрландаў. Такія мерапрыемствы праводзяцца ў адпаведнасці з Венскім дакументам 2011 года аб мерах умацавання даверу і бяспекі.
