МІНСК, 20 мая - Sputnik. Абноўленыя купюры наміналам 5 і 10 рублёў паказалі журналістам 20 мая.
Нацбанк яшчэ восенню мінулага года папярэдзіў, што вясной 2019 года будуць уведзены ў абарот новыя банкноты ў 5 і 10 рублёў, а ў 2020 годзе з'явяцца новыя купюры па 20 і 50 рублёў.
Банкнота наміналам 10 рублёў узору 2019 года, аверс
© Sputnik / Виктор Толочко
Новыя банкноты атрымалі дадатковую абарону ў выглядзе больш шырокай ахоўнай ніткі і яшчэ аднаго вадзянога знака.
Банкнота наміналам 10 рублёў узору 2019 года, рэверс
© Sputnik / Виктор Толочко
Новая версія банкнот адрозніваецца ад старой такімі новаўвядзеннямі:
- выключаны рэквізіт "Старшыня Праўлення" і факсіміле подпісу;
- прыведзены ў адпаведнасць з актуальным знешнім выглядам выявы архітэктурных збудаванняў на асабовых баках банкнот і пазначаныя іх назвы;
- замест "2009" паказаны год выпуску ў абарачэнне - "2019".
Новыя беларускія банкноты былі выпушчаныя на расійскім прадпрыемстве "Дзяржзнак". Раней уведзеныя ў абарачэнне банкноты ўзору 2009 года застаюцца законным плацежным сродкам.
